>Белорусский Конгресс Демократических Профсоюзов (БКДП)
Ассоциация профсоюзов
БЕЛОРУССКИЙ КОНГРЕСС
ДЕМОКРАТИЧЕСКИХ ПРОФСОЮЗОВ


   


Беларуская нацплатформа Усходняга партнёрства прыняла заяву ў падтрымку беларускіх незалежных прафсаюзаў


Беларуская нацплатформа Усходняга партнёрства прыняла заяву ў падтрымку беларускіх незалежных прафсаюзаў
Сёння ў Міжнародны дзень салідарнасці з грамадзянскай супольнасцю Беларусі Беларуская нацплатформа ФГС Усходняга партнёрства прыняла Заяву ў падтрымку беларускіх незалежных прафсаюзаў.

г. Мінск, 4 жніўня 2017
Міністэрству замежных спраў Рэспублікі Беларусь
Камітэту дзяржаўнага кантролю Рэспублікі Беларусь
Генеральнай пракуратуры Рэспублікі Бела



Заява
Каардынацыйнага камітэта Беларускай нацыянальнай платформы Форума грамадзянскай супольнасці Ўсходняга партнёрства
 
У сувязі з крымінальным пераследам кіраўнікоў беларускіх незалежных прафсаюзаў

   Раніцай 2 жніўня 2017 г. у мінскім офісе Беларускага прафсаюза работнікаў радыёэлектроннай прамысловасці (РЭП) і салігорскім офісе Беларускага незалежнага прафсаюза (БНП) супрацоўнікамі Дэпартамента фінансавых расследаванняў Камітэта дзяржкантролю Рэспублікі Беларусь у сувязі з узбуджанай крымінальнай справай былі праведзены ператрусы і затрыманні кіраўнікоў Беларускага прафсаюза РЭП Генадзя Фядыніча, Ігара Комліка.
   Каардынацыйны камітэт Беларускай нацыянальнай платформы ФГС УП разглядае гэта крымінальны пераслед як палітычна матываваныя дзеянні беларускіх уладаў з мэтай ціску на кіраўніцтва і членаў незалежных прафсаюзных арганізацый, дыскрэдытацыі лідэраў прафсаюзнага руху ў вачах шырокай грамадскасці і папярэджання магчымых пратэстных акцый восенню 2017 года, звязаных з пагаршэннем эканамічнага становішча грамадзян краіны і працягам дзеяння Дэкрэта №3 "Аб папярэджанні сацыяльнага ўтрыманства» які супярэчыць Канстытуцыі Рэспублікі Беларусь.
   Роля незалежных дэмакратычных прафсаюзных аб'яднанняў вельмі важная для абароны сацыяльных і эканамічных правоў грамадзян, для прадстаўлення інтарэсаў беларускіх працоўных у дыялогу з сацыяльнымі партнёрамі - дзяржаўнымі органамі і арганізацыямі наймальнікаў (працадаўцаў). Беларускі кангрэс дэмакратычных прафсаюзаў ўваходзіць у склад удзельнікаў Беларускай нацыянальнай платформы Форуму грамадзянскай супольнасці Ўсходняга партнёрства, таму пераслед нашых калег мы разглядаем як ціск на дэмакратычныя арганізацыі грамадзянскай супольнасці ў цэлым.
    Для дзейнасці арганізацый грамадзянскай супольнасці, асабліва тых, якія займаюць крытычную пазіцыю ў адносінах да палітычнага курсу кіраўніцтва краіны, за апошнія 15 гадоў у Беларусі створаны вельмі неспрыяльныя прававыя і матэрыяльныя ўмовы. Многія грамадскія арганізацыі, незалежныя прафсаюзы, палітычныя партыі не па сваёй волі фактычна пазбаўленыя магчымасці дзейнічаць у легальным прававым полі Беларусі, за што ў выніку церпяць пераслед. Вырашыць дадзеную праблему можна досыць лёгка, абвясціўшы ў краіне палітычную лібералізацыю, адмяніўшы дазвольную сістэму рэгістрацыі праектаў, што фінансуюцца міжнароднымі арганізацыямі, выключыўшы з Крымінальнага кодэкса Рэспублікі Беларусь артыкул 193.1 (крымінальная адказнасць за арганізацыю і ўдзел у дзейнасці незарэгістраваных аб'яднанняў) і адмовіўшыся ад практыкі выбарачнай рэгістрацыі і неабгрунтаванай ліквідацыі суб'ектаў грамадзянскай супольнасці.
    Ацэньваючы дзеянні ўладаў у дачыненні да лідэраў незалежных прафсаюзаў як чарговую дэманстрацыю сілы, адмову ад дыялогу з беларускім грамадствам, мы заклікаем адпаведныя службовыя асобы Рэспублікі Беларусь у тэрміновым парадку спыніць неабгрунтаваны крымінальны пераслед, не дапусціць павелічэння колькасці палітычных зняволеных, а таксама палітычна матываваных рэпрэсій у адносінах да суб'ектаў грамадзянскай супольнасці Беларусі, ўстрымацца ад іншых дзеянняў, якія наносяць шкоду рэпутацыі Рэспублікі Беларусь на міжнароднай арэне.
   Мы ў поўнай ступені падзяляем і падтрымліваем раней зробленыя па дадзенай сітуацыі заявы суб'ектаў грамадзянскай супольнасці нашай краіны, у прыватнасці сумесную заяву беларускіх праваабарончых арганізацый і заяву Рады Беларускага кангрэсу дэмакратычных прафсаюзаў. Заклікаем грамадскія арганізацыі і рухі Рэспублікі Беларусь, краін Усходняга партнёрства і Еўрапейскага саюза не застацца ў баку і выказаць сваю салідарную падтрымку нашым калегам. Каардынацыйны камітэт БНП ФГС УП


      Беларуская нацыянальная платформа Форума грамадзянскай супольнасці Ўсходняга партнёрства заснавана ў ліпені 2010 года, аб'ядноўвае на аснове пра-еўрапейскіх каштоўнасцяў больш за 80 арганізацый і ініцыятыў розных сфер дзейнасці.



04.08.2017





  Имя
 
 
Пожалуйста, решите эту задачу Задача:     =  


 
отправить сcылку по почте   |   версия для печати


ТОП НОВОСТИ

   Все новости »


Б Л О Г
АЛЕКСАНДРА
ЯРОШУКА

Блог Александра Ярошука

Всемирный день борьбы за достойный труд













Белорусский независимый профсоюз (БНП)
Свободный профсоюз - Полоцк
Свободный профсоюз металлистов
Белорусский профсоюз работников радиоэлектронной промышленности (РЭП)
Mojazarplata.by








Белорусский независимый профсоюз (БНП) Белорусский независимый профсоюз (БНП) Свободный профсоюз металлистов (СПМ) Свободный профсоюз металлистов (СПМ) Белорусский профсоюз работников радиоэлектронной промышленности (РЭП) Белорусский профсоюз работников радиоэлектронной промышленности (РЭП) Свободный профсоюз Белорусский (СПБ) Свободный профсоюз Белорусский (СПБ)




Главная  |  Визитная карточка БКДП  |  Архив новостей  |  Фотоархив   |    Контакты

Все права защищены. При перепечатке материалов, активная ссылка на сайт обязательна.
© 2002-2016 | Ассоциация профсоюзов «Белорусский конгресс демократических профсоюзов» (АП БКДП) | www.bkdp.org
  220095, Республика Беларусь, г.Минск,
ул.Якубова, 80-80, офис.2,
E-mail: bcdtu@mail.ru
Т.ф. +375 (17)2148905 (06)

  Rating All.BY

SEO: CMS Status-X